Shymkent qalasynyń qylmystyq ister jónindegi mamandandyrylǵan aýdanaralyq sotynda burynǵy sýdıa Janat Músiráli, advokat Murat Djahaev jáne Aıdar Altaevqa qatysty alaıaqtyq isi qaraldy, dep habarlaıdy Egemen.kz.
Olar sottalýshynyń jubaıynan úkimdi jeńildetý úshin 110 mıllıon teńge kóleminde para alýǵa árekettengen dep aıyptaldy. Is materıaldaryna sáıkes, Altaev dosynyń áıeline jazany jeńildetýge kómektesýge ýáde bergen, al advokat Djahaev bul máselemen sýdıa Músirálige júgingen. Nátıjesinde, olar jábirlenýshini aldap, onyń aqshasyn ıemdengen.
Sybaılas jemqorlyqqa qarsy is-qımyl agenttigi bul isti tergep, 2024 jyldyń 5 jeltoqsanynda Bas prokýratýraǵa joldady. Sot úkimine sáıkes, Músiráli ómir boıyna memlekettik qyzmette jumys isteý quqyǵynan aıyrylyp, 7,5 jylǵa túrmege toǵytyldy.
Djahaevtan 7 jylǵa advokattyq qyzmetpen aınalysý quqyǵy alynyp, 6 jyl 8 aıǵa bas bostandyǵynan aıyryldy;
Altaev 5 jylǵa bas bostandyǵynan aıyryldy.
Úkim zańdy kúshine engen joq.