Májilis depýtaty Jıgýlı Daırabaev «Aýyl» partııasy tóraǵasynyń orynbasary qyzmetinen ketti. Bul týraly partııanyń resmı saıtynda habarlandy, dep jazady Egemen.kz.
«Aýyl» partııasynyń resmı saıtynda partııanyń saıası keńesi tóralqasynyń sońǵy otyrysynyń qorytyndysy boıynsha eki qujat jarııalanǵan. Birinshi qaralǵan másele – Aqtóbe óńirlik fılıalynyń partııa jarǵysyn óreskel buzýy.
«Ekinshi másele - partııa tóraǵasynyń orynbasary Jıgýlı Daırabaevty qyzmetinen bosatý. Partııa baspasóz qyzmetiniń habarlaýynsha, tóralqa músheleri bul sheshimge biraýyzdan daýys bergen», delingen habarlamada.