Qasym-Jomart Toqaev qazaqstandyq boksshy Nazym Qyzaıbaıdy tarıhı jeńisimen quttyqtady, dep jazady Egemen.kz aqparat agenttigi.
– Nazym Qyzaıbaıdy otandyq boks tarıhynda tuńǵysh ret úsh dúrkin Álem chempıony bolýymen quttyqtaımyn. Bul – aıtýly jetistik!
Serbııada ótip jatqan Álem birinshiliginde úzdik nátıje kórsetken Ulttyq qurama múshelerine alǵys aıtamyn. Sportshy qyzdarymyzdyń aldaǵy ýaqytta da úlken jeńisterge jete berýine tilektestik bildiremin, – dep jazdy Memleket basshysy Instagram áleýmettik jelisindegi óziniń paraqshasynda.