Izraıldiń Gazaǵa jasaǵan soqqysynan BUU demeýshilik etetin uıymnyń bir qyzmetkeri qaza taýyp, beseýi jaralandy. Bul týraly Palestına anklavynyń densaýlyq saqtaý mınıstrligi habarlady, dep jazady Egemen.kz.
«BUU-ǵa qarasty uıymdarda jumys istegen 6 sheteldik azamat Gazanyń ortalyǵyndaǵy áýe shabýyly kezinde jaraqat aldy. Olardyń biri Shýhada ál-Aqsa aýrýhanasyna jetkennen keıin kóz jumdy», dep jazady Gaza Densaýlyq saqtaý mınıstrligi Telegram arnasynda.
Dárigerler jaraqat alǵandardyń jaǵdaıy aýyr ekenin aıtty.
О́z kezeginde mysyrlyq «Ál-Kahıra ál-Ihbarııa» telearnasy derekkózderge silteme jasap, oq tıgen BUU qyzmetkerleri Gaza sektoryn mınalardan tazartýmen aınalysqanyn málimdegen. Oqıǵa anklavtyń ortalyq bóligindegi Deır-el-Balah qalasynyń aımaǵynda boldy.
Aıta keteıik, 18 naýryzda Izraıl qorǵanys kúshteri Gaza sektoryndaǵy HAMAS nysandaryna jappaı soqqy berdi.