Búgin Úkimet otyrysynda Ishki ister mınıstri Erjan Sádenov Qazaqstanda týrızmdi damytý men sheteldik azamattardyń qaýipsizdigin qamtamasyz etý baǵytynda atqarylyp jatqan jumystar jaıly málimdedi. Mınıstrdiń aıtýynsha, týrıster úshin birqatar mańyzdy servıster men qaýipsizdik sharalary engizilgen, dep habarlaıdy Egemen.kz.
Mınıstr endi elimizge týrısterdiń kelýi týraly aqparatty onlaın túrde jiberýge bolatynyn atap ótti.
«Sondaı-aq saıahatshylarǵa arnalǵan mobıldi qosymsha iske qosyldy. Iri áýejaılarda QR-kodtary bar «týrıstik kartalar» beriledi, olar birneshe tilde: kóshi-qon zańnamasynyń erejeleri, shuǵyl qyzmetterdiń baılanystary, taksıler, baılanys operatorlary, aımaq kartalary jáne «102» qosymshasyna silteme týraly aqparatty qamtıdy», dedi Erjan Sádenov.
Sonymen qatar iri áýejaılarda birneshe tilde jasalǵan QR-kodtary bar týrıstik kartalar tegin taratylady. Bul kartalar týrısterge elde erkin ári qaýipsiz qozǵalýǵa kómektesedi.
«О́ńirlerde qaýipsizdikti qamtamasyz etý úshin týrıstik aımaqtarda, ulttyq saıabaqtarda jáne týrıstik oryndarda shet tilderin meńgergen týrıstik polısııa bólimsheleri jumys isteıdi. Onda beınebaqylaý júıeleri, dabyl túımeleri ornatylǵan jáne zańsyz tasymaldardyń jolyn kesý úshin aldyn alý sharalary júrgizilip jatyr», dedi mınıstr.
Bul bastamalar Qazaqstandy týrıster úshin qolaıly jáne qaýipsiz el retinde tanytýǵa baǵyttalǵan. Úkimet ókilderi aldaǵy ýaqytta bul júıelerdi odan ári jetildirýdi josparlap otyr.