Qarjylyq saýyqtyrý qoldanysta

Keshe ortalyq kommýnıkasııalar qyzmetinde Aýyl sharýashylyǵy vıse-mınıstri Ermek Kósherbaev baspasóz máslıhatyn ótkizdi. Ol agrarlyq salany qarjylandyrýdy saýyqtyrýǵa baılanysty qolǵa alynǵan sharalar jóninde áńgimeledi. Spıkerdiń aıtqanyna zer sal­saq, aǵymdaǵy jyly qarjylyq saýyqtyrýdy jalǵastyrý úshin Aýyl sharýashylyǵy mınıstrligi «Agrobıznes-2020» baǵdarlamasyna tıisti ózgerister engizipti. Atap aıtqanda, dál búgingi kúnde AО́K sýbektileriniń kredıttik jáne lı­zıngtik mindettemelerin sa­ýyq­tyrý somasyn 500 mlrd. teń­gege deıin ulǵaıtý boıynsha ju­mystar júrgizilip jatyr eken. «Baǵdarlamanyń negizgi maqsaty, jalpy bereshek somasy 300 mlrd. teń­gege teń qarjyny qaıtarý mer­zimin uzartý bolyp otyr. Son­daı-aq, AО́K sýbektileriniń kredıttik jáne lızıngtik min­det­temeleriniń paıyzdyq stavkasyn barynsha azaıtýdy kózdep otyrmyz. Búginde bul maqsat tolyq oryndalǵan. Saýyqtyrýǵa jatatyn bereshekterdiń negizgi bóligi ósimdik sharýashylyǵyna berilip otyr. Oǵan kórsetilgen qarjynyń – 86,4, mal sharýashylyǵy salasyna – 2,8, aýyl sharýashylyǵy ónimderin qaıta óńdeýshilerge – 5, basqa qyzmet túrlerine 5,6 paıyzy tıesili bolyp tur», dedi vıse-mınıstr. Spıker AО́K salasyndaǵy prob­lemaly nesıelerdiń kólemin azaıtyp, olardyń nesıelik salmaǵyn tómendetý men bankrottyqqa ushy­raý qaýpin barynsha tómendetý maq­­satynda 2013 jyldan beri bir­qatar ıgi sharalar atqarylǵanyn aıt­ty. Sóıtip, mınıstrlik AО́K sý­b­ek­tilerin qarjylyq saýyqtyrý tııanaqty júrgizilip kele jatqanyn jetkizdi. Oǵan qosa, baǵdarlamaǵa iri agroqurylymdarmen qatar shaǵyn jáne orta agrobıznes ókilderi de qatysatynyn bildirdi. Vıse-mınıstrdiń sózine ılansaq, qazirgi jumys oryndaryn saqtap qalý muń bolyp turǵan kezeńde, agroónerkásip keshenin qarjylyq saýyqtyrý sharasynyń arqasynda 25 myń jumys orny saqtalyp qa­lypty. «Bankrottyq – bul sharýa­ny júr­gizý túri. Munymen aıtpaǵym, eger kásiporyn bankrot bolsa, ol qyzmetin toqtatady degen sóz emes. Bizdiń iri agroholdıngter qazir dál osyndaı jaǵdaıda. Bul rette qarjylyq saýyqtyrý sharalary osy kompanııalarǵa jumysyn ári qaraı jalǵastyrýǵa kómektesedi. Naqty aıtar bolsam, salany qarjylyq saýyqtyrý 25 myńǵa jýyq jumys ornyn saqtap qalýǵa múmkindik berdi», dedi E.Kósherbaev. Nurbaı ELMURATOV, «Egemen Qazaqstan».