Qostanaıdaǵy «AgromashHoldıng» jáne «SaryArqaAvtoProm» mashına jasaý zaýyttarynyń jumysshylary óndiris alańynda barlyq qazaqstandyqtardy 26 sáýirde ótetin Qazaqstan Respýblıkasy Prezıdentiniń saılaýyna daýys berýge shaqyrdy.
Mashına jasaýshylar Qazaqstanda kezekten tys prezıdenttik saılaýdyń ótýi jahandyq qarjy daǵdarysyna elimiz ekonomıkasy damý yrǵaǵynyń ósýin jáne halyqtyń áleýmettik turmysynyń jaqsarýyn qamtamasyz etýmen jaýap berýge umtyldyrady dep sanaıdy.
– Bizdiń zaýyttar ujymy 26 sáýirde ótetin Qazaqstan Respýblıkasy Prezıdentiniń kezekten tys saılaýyn tarıhı sát dep biledi. Eń aldymen, eldiń birligi, ekonomıkanyń damýy, halyq ıgiligi memleket basshysyn tańdaýǵa baılanysty. Biz ujymymyzben saılaýǵa barýǵa daıynbyz, – dedi «AgromashHoldıng» aksıonerlik qoǵamy Qostanaı fılıalynyń dırektory Sergeı Mogılatov.
Dırektordyń sózin jumysshylar da qoldady. Zaýyttyń Iveko aýyr jáne jeńil kommersııalyq tehnıkalar qurastyratyn sehynyń slesari Jalǵas Sarmurzın ujym mıtıngisine óz bastamasymen keldi.
– Prezıdenttik saılaý – elimizdegi iri saıası oqıǵa. Oǵan daýys berýge Otanyn súıetin, eldiń tynyshtyǵy men birligin, áleýmettik jaqsy turmysymyzdy oılaıtyn ár qazaqstandyq kelýi tıis, – dedi J.Sarmurzın. – Men saılaý kúni ujymdaǵy áriptesterimmen baryp, óz tańdaýymdy jasaımyn.
«AgromashHoldıng» zaýytynyń óndiris alańynda 1500 jumysshy eńbek etedi. Osynda ústimizdegi jyly 8,5 myń mashına qurastyrylatyn bolady. Saılaýdyń nátıjeli ótýin jumysshylar kásiporyn men árqaısysynyń taǵdyry dep biledi.
Názıra JÁRIMBETOVA,
«Egemen Qazaqstan».
QOSTANAI.
Sýretterde: «AgromashHoldıng» aksıonerlik qoǵamy Qostanaı fılıalynyń dırektory Sergeı Mogılatov mıtıng kezinde; qurastyrý sehynda.