Túrkistan oblysynda «Zań men tártip – ádiletti Qazaqstannyń kepili» taqyrybynda aýqymdy is-sharalar bastaý aldy. Bul is-sharalar turaqty túrde iske asyrylady. Qaýipsiz ortany qalyptastyrý maqsatynda bıyl quqyq qorǵaý organdarynyń materıaldyq-tehnıkalyq bazasyn nyǵaıtýǵa oblystyq bıýdjetten 24,2 mlrd teńge qaraldy, dep jazady Egemen.kz.
Túrkistanda ótken «Zań men tártip – memleket kepili» atty forýmda osyndaı derekter keltirilip, óńirde jol-kólik oqıǵalaryn azaıtý maqsatynda jumystar kúsheıtiletini, esirtkiniń zańsyz aınalymyna jáne nashaqorlyqqa qarsy profılaktıkalyq is-sharalar turaqty júrgiziletini aıtyldy.
Osy jyldyń 5 aıynda 163 derek anyqtalyp, 199 kelige jýyq esirtki zattary tárkilendi. О́tken jyldyń sáıkes kezeńinde 336 derek anyqtalǵan. Internet arqyly sıntetıkalyq esirtkilerdiń taralýyna jol bermeý baǵytynda 405 aqparattyq saıt anyqtalyp, buǵattaldy.
Sondaı-aq, turǵyndardyń qarjylyq saýattylyǵynyń tómendigi saldarynan osy jyldyń 5 aıynda oblysta alaıaqtyq qylmystar 33 paıyzǵa, ınternet alaıaqtyq qylmystar 102 paıyzǵa ósken.
Bul oraıda azamattardyń qarjylyq saýattylyqtaryn arttyrý maqsatynda oqytý jáne túsindirý jumystary kúsheıtiletin bolady. Probasııa qyzmetiniń esebinde turǵan azamattardyń máselesi erekshe baqylaýda. Bul azamattarǵa bıyl 194 kvota belgilengen.
TÚRKISTAN