ASTANA. 19 naýryz. Búgin elimizdiń keı óńirlerinde jel kúsheıip, jaýyn-shashyn bolady. Bul týraly «Qazgıdromet» habarlady.
«Qazgıdromet» RMK taratqan málimetke súıensek, elimizdiń keıbir jerlerinde burqasyn bolýy múmkin. Aqmola jáne Ońtústik Qazaqstan oblystarynda tańerteń jáne kúndiz jel ekpini sekýndyna 15-20 metrge deıin soǵady. Sondaı-aq, Almaty oblysynyń Jalańashkól aýdanynyń keı jerlerin túnde tuman basady. Jambyl, Qyzylorda, Aqtóbe, Mańǵystaý, Atyraý, Batys Qazaqstan, Qaraǵandy, Soltústik Qazaqstan oblystarynda tuman túsedi. Al Qostanaı oblysynda keı jerlerde tańerteń jáne kúndiz jeldiń kúshi 18 m/s bolady dep kútilýde. «Shyǵys Qazaqstan oblysynda aýa raıy burqasyndatyp, jel kúsheıýi múmkin. Sondaı-aq, Pavlodar oblysynda keı jerlerde kóktaıǵaq bolýy yqtımal», deıdi «Qazgıdromet» mamandary.
Elaman Qońyr.
Derek: «Qazgıdromet» RMK.
Sýret: galleryhip.com.