Aqmola oblysyna qarasty Qosshy qalasynyń kásipkerleri óz erkimen alkogoldi satýdan bas tartty. Bul týraly Aqmola oblysynyń prokýratýrasy habarlady, dep jazady Egemen.kz.
Bul bastama Aqmola oblysynyń prokýratýrasynyń habarlaýynsha, qoǵamdyq tártipti nyǵaıtý jáne quqyq buzýshylyqtyń aldyn alý boıynsha jumystar júrgizilip, Qosshy qalasy men Taıtóbe aýylyndaǵy shaǵyn bıznes ókilderi azamattyq ustanymynyń oń úlgisin kórsetip, birqatar dúkender men saýda núkteleri alkogoldik ónimderdi satýdan bas tartqan.
Kásipkerlerdiń bul bastamasyn prokýratýra men jergilikti atqarýshy organdar qoldady. Qala prokýratýrasy dúken ıelerine rızashylyqtaryn bildirip, alǵys hattar men estelik syılyqtar tabystap, mundaı sheshimniń qoǵamdyq qaýipsizdik úshin mańyzdylyǵyn erekshe atap ótti.