QYZYLORDA. 5 tamyz. Qyzylorda qalasynda 300-ge jýyq otbasy qonystanǵan apatty jaǵdaıdaǵy 25 turǵyn úı bar. Osy máseleni tolyqtaı sheshý maqsatynda 2013 jyly oblystyq bıýdjetten qarjy bólinip, 6 jańa kóp qabatty turǵyn úılerdiń jobalyq-smetalyq qujattamalary ázirlendi. Bul týraly egemen.kz tilshisi habarlady.
Turǵyn úılerdiń 3-in Tıtov móltek aýdanynda, qalǵanyn Jappasbaı batyr kóshesine salý josparlandy. 2013 jyly Tıtov móltek aýdanynda alǵashqy 24 páterlik 1 turǵyn úı qurylysy júrgizilip, paıdalanýǵa berildi. Al 2014 jyly Tıtov móltek aýdanynda jáne Jappasbaı batyr kóshesinde 60 páterlik 2 turǵyn úıdiń qurylysy bastalǵan bolatyn. Bıyl Jappasbaı batyr kóshesindegi qurylysy bastalǵan bir turǵyn úıdi jyl sońyna deıin paıdalanýǵa berý josparlanýda. Kelesi jyly Tıtov móltek aýdanyndaǵy 60 páterlik turǵyn úıdi naýryz-sáýir aılarynda, 100 páterlik turǵyn úıdi jyldyń sońyna deıin paıdalanýǵa berý kózdelýde.
Erjan Baıtiles.
Derek: egemen.kz.
Sýret: thenews.kz.