Eki kúnnen keıin memlekettik bilim granttarynyń ıegerleri anyqtalady. Bıyl 32 168 bilim grantynan 67 myń adam úmitti.
Búgin ótken bilim granttaryn taǵaıyndaý jónindegi respýblıkalyq konkýrstyq komıssııanyń otyrysynda mınıstr: «Bıyl memleket tarapynan 32 myń grant bólinedi. Onyń ishinde tehnıkalyq mamandyqtarǵa – 12,5 myń, pedagogıkalyq mamandyqtarǵa – 6 myń, aýyl sharýashylyǵy mamandyqtaryna 2,5 bilim granty qarastyrylǵan.
Sondaı-aq, osy jyly konkýrsqa qatysatyndardyń 78 paıyzy mektepti qazaq tilinde bitirgender. Soǵan sáıkes, orys tilinde bitirgender 22 paıyzdy qurap otyr. Sol sebepti, barlyq granttyń 78 paıyzyn qazaq bólimderine, 22 paıyzyn orys bólimderine bólý kózdelgen», – dedi. Atalǵan komıssııa quramyna Bilim jáne ǵylym mınıstrliginiń mamandarymen qatar, Densaýlyq saqtaý mınıstrliginiń qyzmetkerleri, joǵary oqý oryndarynyń rektorlary, sondaı-aq,bilim berý qyzmetkerleriniń kásipodaq músheleri enedi.
Taǵy bir aıta keter jaıt, «Altyn belgi» ıegerlerine, halyqaralyq, respýblıkalyq olımpıadalar men ǵylymı saıystardyń jáne baıqaýlardyń, odan bólek, sport jarystarynyń jeńimpazdaryna grant taǵaıyndaý kezinde basymdyq beriledi.
Elaman Qońyr.
Derek: «QazAqparat». Sýret: zhasorken.kz.