ASTANA. 5 tamyz. «Qazmedıa ortalyǵy» basqarýshy kompanııasyna» bas dırektor bolyp Mırbolat Aıýpov taǵaıyndaldy. Bul týraly kompanııanyń baspasóz qyzmeti habarlady.
Meıirbolat Haıratovıch 1963 jyldyń 26 tamyzynda Qaraǵandyda týǵan. Máskeý ınjenerlik-fızıkalyq ınstıtýtynyń kıbernetıka fakýltetin qoldanbaly matematıka mamandyǵy boıynsha, sondaı-aq, Qaraǵandy ekonomıkalyq ýnıversıtetin qarjy jáne kredıt mamandaǵy boıynsha bitirgen.
Buǵan deıin ol «Altel» AQ vıse-prezıdenti (2005-2007 jj.), «Transtelekom» kompanııasynyń prezıdenti (2009-2012 jj.), 2012-jyldan bastap mobıldi baılanys boıynsha «Qazaqtelekom» AQ basqarýshy dırektory qyzmetterin atqardy. Al jańa qyzmetiniń aldynda «Zerde» ulttyq aqparattyq-kommýnıkasııalyq holdıngi» AQ-tyń basqarma tóraǵasy boldy.
«Qazmedıa ortalyǵynyń» osyǵan deıingi bas dırektory Meıir Eskendirov óz erkimen qyzmetinen bosatyldy.
Elaman Qońyr.
Derek, sýret: «Qazmedıa ortalyǵynyń» baspasóz qyzmeti.