Atyraý oblystyq sotynyń qylmystyq ister jónindegi sot alqasynda birinshi satydaǵy tártippen «AMО́Z» JShS-niń burynǵy bas dırektory Murat Dosmuratovqa qatysty qylmystyq is qaraldy, dep jazady Egemen.kz.
«Tergeý organy Dosmuratovty salǵyrttyq, ıaǵnı memlekettik fýnksııalardy oryndaýǵa ýákilettik berilgen adamǵa teńestirilgen adamnyń óz mindetterin qyzmetine adal qaramaýy saldarynan tıisinshe oryndamaýy, abaısyzda aýyr zardaptarǵa ákep soqtyrǵany úshin aıyptady. Sot jaryssózinde prokýror memlekettik aıyptaýdy qoldaýdan bas tartyp, aıyptaý sot talqylaýynda dáleldenbegenin jáne sottalýshynyń is-áreketinde qylmystyq quqyq buzýshylyqtyń quramy anyqtalmaǵanyn kórsetti», dep habarlady oblystyq sottyń baspasóz qyzmeti.
Qylmsytyq-proýessýaldyq kodeksiniń 35-babynyń 7,8-bóligine sáıkes prokýror aıyptaýdan bas tartqan jaǵdaıda qylmystyq is toqtatylýǵa jatady.
«Prokýrordyń memlekettik aıyptaýdy qoldaýdan bas tartýyna, Dosmuratovtyń áreketterinde qylmystyq quqyq buzýshylyq quramynyń bolmaýyna baılanysty toqtatyldy. Dosmuratovqa qylmystyq prosesti júrgizetin organnyń zańsyz áreketteri saldarynan keltirilgen zııandy óteý jáne ońaltý quqyǵy túsindirildi», dep málim etti oblystyq sottyń baspasóz qyzmeti.