Altyn qyranǵa aınalǵan azamat

Almatyda dańqty áskerı ushqysh, Keńes Odaǵynyń eki márte Batyry, avıasııa general-maıory Talǵat Bıgeldınovti týǵan kúnine oraı eske aldy. Qazaq halqynyń dańqty uly Talǵat Jaqypbekuly Bıgel­dı­­novtiń týǵan kúni ózi ómirde qan­daı qarapaıym bolsa, eske alý rásimi de sondaı qarapaıym túrde ótti. Ofıserler úıiniń foıesiniń bir buryshyna qoıylǵan ushqysh aǵa ómirin órnekteıtin shaǵyn ǵana fotokórme sonyń aıǵaǵy. Nebary 22 jasynda – birinshi, 23 jasynda ekinshi ret Keńes Odaǵynyń Batyry ataǵyn ıelengen halqymyzdy dańqty perzentiniń kózi tiri bolsa, dál keshe 93 jasqa tolar edi... Bir ǵana shoǵyr jınalǵan Uly Otan soǵysynyń ardagerleri arasynan Talǵat aǵanyń zamandasy bolǵan maıdanger Seıitqasym Boranqulov, respýblıkalyq Generaldar keńesi tóraǵasynyń orynbasary Mahmut Teleǵusov áskerı ushqyshtyń ótken ómirinen syr shertip, batyrdy eske alý jıynyna ár berdi. – KezindeTalǵat Bıgeldınov búkil Keńes Odaǵynyń maqta­nyshy, abyroıly da dańqty azamaty sanaldy. Odan soń, tipti, TMD memleketteriniń barlyǵy da birdeı oǵan erekshe qurmet kórsetti. Osynyń ózi bizdiń jigerimizdi janıtyn, sezimimizge serpin beretin, – dedi eske alý mıtıngisinde Almaty qalalyq ishki saıasat basqarmasynyń jetekshisi Sanjar Boqaev. – Talǵat Bıgeldınov – bizdiń urpaq úshin erliktiń sımvoly. Bizdiń uranymyz! Bizdiń – Altyn qyranymyz! Batyrdyń qyzy Raıhan Talǵatqyzy bizben áńgimesinde: «Men taıaýda ǵana ákem týraly kitap jazyp bittim. Qa­zaq halqy súıikti perzenti, jaýjúrek áskerı ushqysh Tal­ǵat Bıgeldınovtiń maıdanda­ǵy erligi men beıbit ómirdegi qajyrly eńbegi týraly kóp biledi, tipti, ańyz etip aıtyp ta júredi. Al men bul shyǵarmamda aıaýly ákemniń jeke tulǵa retinde, azamat retinde ózim baıqaǵan bolmysyn, ózim kýá bolǵan qasıetterin aına-qatesiz tizbektep berdim, – dedi. – Onyń erligin ári esimin qurmetteıtin qaýymnyń jaýyngerler jınalatyn saıabaqqa arnaıy kelip, bizben birge Batyrdy eske alǵanyna oraı bildiretin alǵysymyz da sheksiz». Elimizdiń Ánurany oınalyp, qazaqstandyq generaldar keńesiniń músheleri men maıdangerler, Talǵat Bıgeldınovtiń ja­qyndary men týystary Máńgi­lik alaýǵa alqyzyl gúl shoqtaryn qoıdy. Saltanattyń sońynda Ofıserler úıinde Generaldar keńesiniń demeýshiligimen kınorejısser Lavrentıı Son túsirgen «Kókke kóterilý» atty derekti fılm kórsetildi. Talǵat SÚIINBAI, «Egemen Qazaqstan». Almaty. ––––––––––––– Sýrette: Batyrdy eske alý sátinen kórinis. Sýretti túsirgen avtor.