QYZYLORDA. 6 tamyz. Qyzylorda oblysy ishki ister departamenti ákimshilik polısııa basqarmasynyń qyzmetkerleri qalalyq prokýratýramen birlese otyryp, «Jol qaýipsizdigin saqta!» atty aksııasyn ótkizdi. Bul týraly egemen.kz tilshisi habarlady.
Sharanyń maqsaty – jol-kólik oqıǵalarynyń aldyn alý jáne boldyrmaý, jolda qaýipsizdik erejesin saqtaýǵa shaqyrý, jol qozǵalysyna qatysýshylardyń basqa adamdardyń ómiri aldyndaǵy jaýapkershiligin sezindire otyryp, sanasyn ózgertý, mádenıetin arttyrý, áleýetti qoǵamdyq qoldaý kórsetý bolyp tabylady.
Aksııa barysynda qala ortalyǵyndaǵy halyq kóp shoǵyrlanatyn joldarmen jol-kólik oqıǵasynda zardap shekken avtokólikterdiń qaldyqtaryn tıegen avtoevakýatorlar júrip ótti. Sonymen qatar, dybys kúsheıtkish quraldary arqyly qala turǵyndary men júrgizýshilerge jol qozǵalysyna qatysýshylardyń ómiri men densaýlyqtaryn jáne jol júrisi erejelerin qatań saqtaý boıynsha aýqymdy túsindirme jumystary júrgizilip, avtokólik júrgizýshilerine kitapshalar men jadynamalar taratyldy.
Erjan Baıtiles.
Derek: egemen.kz.
Sýret: mediaovd.kz.