Sıfrlandyrý – agrosalany damytý tetigi

Sondaı-aq ol óz sózinde aýyl sharýashylyǵy salasynyń strate­gııalyq mańyzdylyǵyna toqtaldy. Iаǵnı Qazaqstan agrarlyq áleýeti joǵary memleket retinde ishki naryqty sapaly azyq-túlikpen qam­tamasyz etip qana qoı­maı, halyqaralyq naryqqa da eks­porttyq áleýeti myqty elge aınalýǵa tıis ekenin basa aıtty. Bul oraıda salaǵa sıfrlyq teh­nologııalar men jasandy ıntel­lektini engizý qajet.

Men jumys istep jatqan aýyl sharýashy­lyǵy salasy úshin bul Joldaýda aıtylǵan basymdyqtar naqty baǵdar ári tikeleı tájirıbelik mánge ıe der edim. Agroónerká­sip keshenin jetildirýde teh­nologııalyq jańǵyrtý, ásirese óndiristi sıfrlandyrý, she­shim qabyldaýdyń dáldigi men tıimdiligin arttyrady. Jasandy ıntellekt ónimdilikke qatysty boljamdar jasaý­ǵa, ósimdik aýrýlary men zııankesterdi erte anyqtaýǵa, sondaı-aq naqty derekterge negizdelgen ońtaıly agrarlyq sheshimder qabyldaýǵa jol ashady.

Drondar, sensorlar, smart-fermalar jáne ıntellek­týaldy sýarý sekildi sıfrlyq sheshimderge negizdelgen dálme-dál eginshilik júıeleri aýyl sharýashylyǵynda avtomattandyrýdy qamtamasyz etip, resýrs­tardy utymdy paıdalanýǵa negiz bolady. Sonymen qatar fermerlerge arnalǵan onlaın servısterdi damytý, memlekettik qoldaý men sýbsıdııalardyń ashyqtyǵyn qamtamasyz etý – aýyldaǵy eńbek adamyn qoldaýǵa baǵyt­talǵan tıimdi shara.

Oǵan qosa ekologııalyq taza ári organıkalyq ónim óndirý negizgi basymdyqtar­dyń biri retinde aıqyndal­dy. Prezıdenttiń aı­­týynsha, jasandy ıntellekt pen sıfr­landyrý aýyl sha­rýa­shy­lyǵynda ónimdilikti art­­ty­ryp qana qoımaı, resýrstar­dy únemdeýge, ónim sapasyn jaqsartýǵa, qaýipsizdikti ny­ǵaı­týǵa jáne halyqaralyq naryq­ta básekege qabiletti bolýǵa múm­kin­dik beredi. Bul elimizdiń ornyq­ty damýy úshin de asa ózekti.

Parlament palatalarynyń birlesken otyrysyna qatysyp, Prezıdent aıtqan bastamalardan erekshe serpin aldym. Endi jańa maqsat pen jospar kásibı qyzmetime de jańasha qarqyn beretini anyq.

Altynaı JAQATAEVA,

PhD