Qaraǵandy qalasynda Respýblıka dańǵyly, 4-úıdiń qasbetinde jańa aýqymdy art-joba aıaqtaldy. Onyń negizgi ıdeıasy «Kúshimiz – birlikte» degen sózder arqyly beınelengen, dep jazady Egemen.kz.
Mýral Qazaqstandy – taǵdyrlar, mádenıetter men dástúrler toǵysqan birtutas órnek retinde sıpattaıdy. Túrli etnostar bir-birimen astasyp, myzǵymas baılanys quraıdy. Munda ár tús pen ár órnektiń mańyzy bar, óıtkeni dál osy alýandyq úılesimdilik pen kúsh-qýatty týdyrady.
Jobaǵa «Jumysshy mamandyqtarynyń jyly» aıasynda erekshe mán berildi: mýral – eldiń búginin jáne bolashaǵyn qalyptastyratyn eńbek adamdaryna degen qurmettiń belgisi. Sondaı-aq, jobany júzege asyrýǵa bıyl 85 jyldyǵyn atap ótip otyrǵan KLMZ kompanııasynyń qatysýy da sımvoldyq mánge ıe.
Joba Qazaqstan halqy Assambleıasynyń, Qaraǵandy oblysy ákimdiginiń, KLMZ zaýytynyń, Ýrbanıstıka ortalyǵynyń, AiR_G sýretshileriniń jáne «Assambleıa jastary» RQB-nyń qoldaýymen iske asty.
QHA-nyń 30 jyldyǵy atalyp ótip jatqan bıylǵy jyly bul mýral aıryqsha mánge ıe. Ol qalanyń sánin kirgizetin óner týyndysy ǵana emes, elimizdiń ortaq bolashaǵyna ár etnostyń qosqan úlesin qurmetpen eske salatyn, dıalog pen syılastyqtyń mańyzdy sımvolyna aınaldy.