ASTANA. 6 shilde. Túrkııada iri jol apatyna ushyraǵan týrıstik avtobýsta Qazaqstannyń jeti azamaty bolǵan. Bul týraly tengrinews.kz habarlady.
Derekkózdiń aqpary boıynsha, Qazaqstannyń Túrkııadaǵy konsýldyǵynyń qyzmetkerleri bes qazaqstandyqpen baılanys ornatty, olar jol-kólik oqıǵasynan jaraqat alyp, aýrýhanaǵa túsken. Olardyń ómirine qaýip tónip turǵan joq. Qazirgi ýaqytta taǵy eki azamat izdestirilip jatyr.
Oqıǵa Astana ýaqyty boıynsha 19.30-da Túrkııanyń ońtústik batysyndaǵy Denızlı qalasynda boldy. Týrıster avtobýsy Pamýkkaleden Antalııaǵa júrip bara jatqan. Jol-kólik oqıǵasynan 4 adam qaza bolyp, 38 adam jaraqat aldy. RIA «Novostı» agenttiginiń naqtylanǵan aqparyna qaraǵanda, avtobýsta Reseıdiń, Qazaqstannyń, Lıtvanyń jáne Belarýstiń azamattary bolǵan.
Aıdar О́risbaev.
Derek: tengrinews.kz.
Sýret: mynet.com.