Atyraý oblysynda 1 mln 56 myń 793 tórt túlikten qan synamasyn alý josparlanyp otyr. Osy kezge deıin 935 myń 63 mal tekserilgen, dep jazady Egemen.kz.
Oblystyq aýyl sharýashylyǵy basqarmasynyń bas mamany Móldir Irbatyrovanyń deregine qaraǵanda, qan synamasyn zertteý qorytydysymen 518 maldan brýsellez aýrýy anyqtalyp otyr.
«Onyń ishinde 240 iri qara, 275 usaq mal, 3 túıe bar. Biraq tórt túliktiń brýsellezge shaldyǵý deregi byltyrǵy kórsetkishten azaıdy. Aýrý mal zań talaptaryna sáıkes qaıta óńdeýge ótkizildi. Bul jumystyń nátıjesinde mal ıelerine jergilikti bıýdjet esebinen 15 mln teńge kóleminde ótemaqy tólenedi. Qoldanystaǵy erejege sáıkes óńdeýge ótkizilgen et ónimderi qunynyń 30 paıyzy jergilikti bıýdjetten, al 70 paıyzy qaıta óńdeý kásiporyndarynyń qarjysy esebinen tólenedi», - deıdi Móldir Irbatyrova.
Onyń aıtýynsha, turǵyndar ıeligindegi maldy der kezinde veterınarııalyq tekserýden ótkizýi qajet. Bul tórt túliktiń ınfeksııalyq aýrýlarǵa shaldyǵýynyń aldyn alýǵa yqpal etedi.