«Aqyldy baǵdarshamdar» jobasy Atyraý qalasynda iske asyrylyp jatyr. Joba zamanaýı tehnologııalar men JI elementterin paıdalana otyryp, qala kóshelerindegi qozǵalysty tıimdi retteýdi kózdeıdi, dep jazady Egemen.kz.
Qazirgi ýaqytta baǵdarshamdar synaq-testileý rejiminde jumys istep jatyr. Osy kezeńde qala turǵyndary tarapynan keıbir qıylystarda qosymsha baǵyttaýysh jasyl jebeler men «jasyl plıýs» sıgnalynyń bolmaýyna baılanysty usynystar men eskertpeler túsip jatyr.
Atalǵan usynystar eskerilip, qosymsha baǵyttaýysh jebelerdi ornatý jumystary Atyraý qalasy ákimdigi men qalalyq polısııa basqarmasy tarapynan merdiger uıymmen birlese otyryp júzege asyrylmaq.
Ishki ister mınıstrliginiń málimetinshe, búginde qala aýmaǵynda 78 baǵdarsham ornatylǵan: onyń ishinde Azııa jaǵynda – 42 (sonyń 3-i jaıaý júrginshilerge arnalǵan), al Eýropa jaǵynda – 36 (2-i jaıaý júrginshilerge arnalǵan). Joba aıasynda 160 myńnan astam derek júıege engizilip, arnaıy taldaý algorıtmderi arqyly kólik jáne jaıaý júrginshiler qozǵalysyn ońtaılandyrý kózdelip otyr.