ASTANA. 9 mamyr. Ispanııanyń Sevılıa qalasynda Airbus A400M áskerı-tasymaldaý ushaǵy Coca-Cola zaýytynyń ústine qulady. Bul týraly TASS habarlady.
Áýe kemesi aspanǵa kóterilgennen keıin kóp ýaqyt ótpeı-aq apatqa ushyraǵan. Kýágerlerdiń aıtýynsha, ushaq jergilikti ýaqyt boıynsha 13:00-de (Astana ýaqyty boıynsha 17:00) Coca-Cola zaýytynyń aýmaǵyna baryp qulaǵan. Qazirgi tańda ushqysh pen bortta qansha adam bolǵandyǵy týraly naqty málimet joq.
Airbus A400M jobasy 2003 jyly paıda bolǵan. Ushaqtyń quny – 25 mlrd. eýro. Áýe kóligi 2011 jyly óndiriske shyǵarylǵanymen, ony turaqty paıdalaný tek 2013 jyldan bastalǵan.
Ushaq ekıpajy 2-4 ushqyshty quraıdy. Al jolaýshylar sany 120-ǵa deıin jetedi. Paıdaly salmaqty júgi – 37 tonna. Airbus Military kompanııasy bul kórsetkishti bir jylda birneshe esege kóbeıtýdi josparlap otyr.
Elaman Qońyr.
Derek, sýret: TASS.