ASTANA. 11 mamyr. Qurama Shtattar quramyndaǵy Alıaska túbegi men Gavaı araldarynyń halyqtary táýelsizdik alýǵa áreket etýge kóshti. Bul týraly TASS habarlady.
«Alıaska men Gavaı araldarynyń baıyrǵy halyqtarynyń ókilderi álem qaýymdastyǵyna ózderine erkindik quqyǵy berilýin qamtamasyz etýdi suraǵan hat joldady», - delingen habarlamada. Ony bular Qurama Shtattardyń bir kezderi óz jerlerin «zańsyz anneksııalaýymen» jáne «basyp alýymen» túsindiredi.
Jenevada taratylǵan málimdemede aborıgen halyqtar ókilderi bul máseleni Birikken Ulttar uıymyna múshe elderdiń BUU-nyń adam quqyǵy jónindegi keńesinde qaraýyn suraǵan.
Alıaska turǵyndary táýelsizdikke beıbit jaǵdaıda - Birikken Ulttardyń tetikteri arqyly, Alıaska men Gavaı araldarynda ózin ózi anyqtaý jóninde referendým ótkizý jolymen qol jetkizgileri keledi.
Murat Aıtqoja.
Derek, sýret: TASS.