ASTANA. 12 mamyr. Qaraǵandy qalasynda qyzdy aıýandyqpen óltirip, denesin bólshektep tastaǵan qylmys týraly osyǵan deıin habarlanǵan edi. Oblystyq ishki ister departamentiniń jedel-izdestirý sharalary nátıjesinde Qaraǵandy oblysy Osakarov aýdanynyń turǵyny, 23 jastaǵy jigit qolǵa tústi. Búginde ol asa aýyr qylmys jasaǵanyn moıyndaǵan. Bul týraly NewTimes.kz habarlady.
Qaraǵandy oblystyq ishki ister departamentiniń baspasóz qyzmeti taratqan málimdemede: «9 mamyrda Qaraǵandy qalasynyń Qazybek bı aýdanyndaǵy jylý qubyrlarynyń birinen 26 jastaǵy áıel adamnyń múrdesi tabyldy. Oǵan is-tússiz joǵalyp ketýine baılanysty 6 mamyrdan bastap izdeý jarııalanǵan bolatyn. Qolǵa túsken 23 jastaǵy jas jigit qylmysty moıyndap, urys-keris kezinde qyzdy óltirgenin aıtty. Sońynda qylmysyn jasyrý maqsatynda qyzdyń denesin bólshektep, tyǵyp qoıǵan», – delingen.
Elaman Qońyr.
Derek, sýret: NewTimes.kz.