Qostanaı qalasynda sońǵy kezderi adam joǵalý toqtalmaı tur.
Osydan bir jarym aıdaı buryn joǵalyp ketken qyzdyń denesi Tobyl ózeninen tabyldy. Taǵy eki jasty izdestirý jalǵasýda. Jaqyn kúnderi taǵy da bir qyz, bir jigit joǵalyp ketti. Bul týraly egemen.kz tilshisi habarlady.
Mamyr aıynyń bas kezinde Sarykól aýdanynda Dmıtrıı Kojevnıkov degen jas jigit habarsyz ketken. Týystarynyń aıtýynsha, 25 jastaǵy jigit ishimdik ishpeıdi, temeki shekpeıdi. Úıinen shyǵyp ketken, sol kúıi oralmaǵan. Onyń aldynda ǵana, 1 mamyr kúni Jitiqara aýdanynda 17 jasar Nına Stafeeva degen qyz bala da ushty-kúıli joǵalǵan. Osy aýdandaǵy Chaıkovskıı aýylynyń jas jigitterimen ormanǵa serýendeýge barǵan qyz qaıtyp úıine oralmaǵan. Janyndaǵy jigitterdiń aıtýynsha, tún ortasy aýa qyz tobynan bólinip ketken, sol kúıi joq. Qazir bul eki adamnyń da deregi tabylmaı otyr. Munyń aldynda joǵalǵan jasóspirim Arlan Júsipov pen Svetlana Kıshenkony izdestirý jumystary jalǵasýda.
Názıra Járimbetova.
Derek, sýret: egemen.kz