PETROPAVL. 12 mamyr. Sergeevka qalasynda № 6637 áskerı bólimniń burynǵy jaýyngeri Qaǵazbek Nurseıitovtyń qurmetine memorıaldyq ekertkish boı kóterip, shyrsha kóshetteri otyrǵyzyldy. Bul týraly egemen tilshisi habarlady.
Shyǵys Qazaqstan oblysy Rıdder qalasynyń týmasy Q. Nurseıitov Otan aldyndaǵy azamattyq mindetin óteý úshin 1961 jyly ásker qataryna shaqyrtylady. Petropavl qalasyndaǵy № 6637 áskerı bólimniń quramyna jiberilgen ol boryshyn shalǵaıdaǵy Sergevka qalasynda óteıdi. Úsh jyldyń ishinde ózin úlgili sarbaz retinde kórsete biledi.
Eki múshelge tolǵan azamat 1964 jyldyń 21 maýsymynda túzetý mekemesinen qashqan asa qaýipti qylmyskerdi quryqtaý jolynda erlikpen qaza tabady. Sodan beri onyń erligi jastarǵa úlgi etilip keledi. Esimi qoǵamdyq tártip kúzetiniń «Qurmet kitabyna» jazylyp, jeke quram tiziminde máńgilikke qaldyrylady. «Erligi úshin» medalimen marapattalady.
Memorıaldyq taqtanyń ashylý saltanatyna otstavkadaǵy general-maıor Borıs Shaı, № 6637 áskerı bólimniń komandıri Aqıqat Jumahanov, Shal aqyn aýdanynyń ákimi Marat Omarov, qurylym ofıserleri men jaýyngerleri jınalyp, batyr oǵlannyń aýraǵyna taǵzym etti.
О́mir Esqalı.
Derek, sýret: egemen.kz