PETROPAVL. 12 mamyr. «Zenchenko jáne K» komandıttik seriktestiginiń bas dırektory Gennadıı Zenchenkonyń bastamasymen Qyzyljar aýdanynyń Novonıkolskoe eldi mekeninde Keńes Odaǵynyń Batyry Ivan Kýrenkovqa arnalǵan memorıaldyq keshen men músin boı kóterdi. Bul týraly Qyzyljar aýdandyq ákimdiginiń baspasóz qyzmeti habarlady.
I. Kýrenkov Armııa qataryna 1937 jyly shaqyrylǵan. Soǵysqa alǵashqy kúnderden bastap qatysyp, Máskeý men Kýrsk ıini shaıqastarynda erlik úlgilerin kórsetken. Al Dneprden ótý kezindegi janqııarlyq batyrlyǵy úshin kishi leıtenant Keńes Odaǵynyń Batyry ataǵyna ıe bolady. Budan basqa «Qyzyl Juldyz», Qyzyl Tý ordenderimen marapattalady.
О́miriniń sońǵy jyldaryn Novonıkolskoe aýylynda ótkizgen.
Jıyndy Qazaqstannyń Eńbek Eri G. Zenchenko ashyp, jerlesterin aıtýly oqıǵamen quttyqtady. Saltanatty rásimge jınalǵan jurtshylyq, qoǵamdyq uıym ókilderi, oqýshylar memorıaldyq keshenge gúl shoqtaryn qoıyp, arýaqqa bas ıdi.
О́mir Esqalı.
Derek, sýret: Soltústik Qazaqstan oblysy Qyzyljar aýdany ákimdiginiń baspasóz qyzmeti.