Investorlar Brıtanııadan óz kapıtaldaryn asyǵys túrde áketý ústinde. Bul jaıynda CrossBorder Capital konsaltıngtik fırmasynyń derekterine súıene otyryp, CNBC.com co saıty habarlaǵan.
Sońǵy 15 aıdyń ishinde Brıtanııadan kapıtaldyń ketý kólemi 356 mıllıard dollardy qurap otyr. Onyń ústine sońǵy aılarda jaǵdaı edáýir dárejede ýshyǵa túsken. Tek naýryz aıynyń ózinde ǵana ınvestorlar 24 mıllıard dollardy shyǵaryp áketken. Bul 2005, 2010 jyldarǵy aýyr jaǵdaıdy esepke alǵannyń ózinde eń qıyn rekordtyq kórsetkish bolyp otyr. О́ıtkeni, kórsetilgen aýyr kezeńniń ózinde de kapıtaldyń qashýy mundaı shekke jetpegen edi.
Investorlar óz kapıtaldaryn eki túrli sebeptiń yqpalymen áketý ústinde. Birinshiden, Brıtanııa parlamentindegi saılaý nátıjesi Eýropalyq odaqtyń antııntegrasııalyq saıasatynyń paıdasyna sheshilip, bul jaǵdaı máseleni odan ári ýshyqtyra túsýi múmkin. Ekinshiden, Brıtanııadan óz kapıtaldaryn ásirese, reseılik ınvestorlar áketý ústinde. О́ıtkeni, olar erte me, kesh pe ózderiniń qarjylary sanksııalaýǵa túsedi dep qaýiptenýde.
Sondaı-aq, kapıtaldyń ketýine eldegi ishki ınvestorlardyń memlekettik oblıgasııalardan tezirek qutylýǵa asyǵýy da sebep bolýda. Olar osydan bosaǵan qarajattaryn damýshy elderdiń borysh qaǵazdaryna salýdy jón kórip otyrǵan ispetti. О́ıtkeni, damýshy elderdegi mundaı qaǵazdardyń kiristiligi brıtan oblıgasııalaryna qaraǵanda áldeqaıda joǵary bolyp otyr.