Olımpıada chempıony bolý – ár sportshynyń armany. Keıde sol armanǵa mektep jasyndaǵy jasóspirimder de qol jetkizedi. 2024 jylǵy Parıj Olımpıadasynda aýstralııalyq skeıtbordshy Arısa Trıý nebári 14 jasynda áıelder arasyndaǵy «park-skeıtbordıng» saıysynda altyn medal jeńip aldy.
Bul jarys arnaıy jasalǵan alańda ótedi. Iаǵnı onyń ishinde ıilgen qabyrǵalar, shuńqyrly bólikter, túrli tóbeshikter bar. Sportshy sol jerlerge ekpindep kelip, bıikke kóteriledi de, túrli qımyl jasap qaıta qonady. Áýelde kóbi Arısa Trıýdi «bala ǵoı» dep mensine qoımap edi. Biraq «elemegen shybyq kóz shyǵarady» emes pe? Fınalda jasóspirim qyz jarq etip shyǵyp, jasyndaı jarqyrady. Osylaısha, 14 jastaǵy oqýshynyń ózi myqtylar tiziminde kósh bastady.