ASTANA. 13 aqpan. Búgin Serbııanyń astanasy – Belgrad qalasynda ótip jatqan fýtzaldan Eýropa chempıonaty máresine jetedi. Týrnırge alǵash ret qatysyp, jartylaı fınalǵa deıin jetken Qazaqstan quramasy qola júlde úshin talasta alań ıesi Serbııamen synǵa túsedi. Bul týraly egemen.kz tilshisi habarlady.
Oıyn Astana ýaqyty boıynsha saǵat 23:30-da bastalady. «Qazaqstan» ulttyq telearnasy matchty tikeleı efırde kórsetedi. Translıasııa 23:20-da bastalady dep kútilýde.
Al jarystyń fınadyq oıyny Astana ýaqyty boıynsha saǵat túngi 02:00-de oınalady. Sheshýshi synda Reseı men Ispanııa quramalary kezdesetinin atap ótken jón.
Aıta keteıik, brazılııalyq maman Kakaý jattyqtyratyn Qazaqstan quramasy Eýropa chempıonatynyń fınaldyq kezeńine birinshi ret shyǵyp otyr. Toptyq kezeńdegi tusaýkeser oıynda Reseıden 1:2 esebimen jeńilgen otandastarymyz, ekinshi kezdesýde Horvatııadan 4:2 esebimen basym tústi. Al shırek fınalda qazirgi Eýropa chempıony Italııany 5:2 esebimen jeńip, sensasııa jasady. Jartylaı fınalda kári qurlyqtyń 6 dúrkin chempıony Ispanııaǵa laıyqty qarsylyq kórsetti. Alaıda, sáttilik ıspandar jaǵynda bolyp, bizdiń jigitter qarsylastaryna 3:5 esebimen jol berdi.
Elaman Qońyr.
Derek: egemen.kz.
Sýret: uefa.com.