TARAZ. 15 aqpan. Jambyl oblysy boıynsha Memlekettik qyzmet isteri departamenti «Memlekettik qyzmettiń jańa modeli jáne memlekettik qyzmetshiniń jańasha kelbeti» taqyrybynda semınar ótkizdi. Bul týraly egemen.kz tilshisi habarlady.
Semınardyń negizgi maqsaty álemniń damyǵan otyz elderiniń qataryna qosylýdy mindettegen «100 naqty qadam» Ult josparyn iske asyrý bolyp tabylady.
Jambyl oblysy boıynsha memlekettik qyzmet isteri departamentiniń basshysy B. Isaqov memlekettik qyzmet júıesi men sybaılas jemqorlyqqa qarsy saıasattyń basym baǵyttary men jańalyqtary týraly baıandaı kele jańadan qurylǵan Memlekettik qyzmet isteri mınıstrliginiń jańa jumys baǵyttaryna toqtalyp ótti.
Sondaı-aq, memlekettik qyzmetshilerdiń jumys barysyndaǵy basty quraly bolyp tabylatyn jańa Ádep jónindegi kodeksi bólek taqyrypta talqylandy. Bul qujat memlekettik qyzmetshilerdiń moraldyq-etıkalyq kelbetine ǵana emes olardyń ózin ózi ustaý máneriniń bazalyq standarttaryn bekitedi. B.Isaqov memlekettik qyzmetshiler jumysynda qarapaıymdylyq, ádildik, adaldyq, satylmaýshylyq sııaqty prınsıpterdi ustaný kerektigin atap ótti.
Is-sharaǵa qatysýshylar memlekettik qyzmet salasyndaǵy reformalarǵa, memlekettik kórsetiletin qyzmetter, sybaılas jemqorlyqqa qarsy kúresti kúsheıtý máselelerine qatysty suraqtardy talqylap, ony iske asyrý jóninde óz oılarymen bólisti.
Memlekettik qyzmetshilerdiń ádeptiligi men sybaılas jemqorlyqty eńserý – birin biri tolyqtyratyn faktor bolyp tabylady. Sondyqtan memlekettik organdardyń osy baǵytta júıeli túrde jumys isteýi búgingi kúnniń talaby bolmaq.
Oralhan Dáýit.
Derek, sýret: egemen.kz