«Qazaq eli» atty jýrnal Túrkııada jaryq kórdi

Qazaq jáne túrik baspasózi «Qazaq eli» dep atalatyn jańa basylymmen tolyqty. Ystambulda jaryq kórgen bul jýrnaldyń alǵysózinde Qazaq-túrik bilim jáne zert­teý qaýymdastyǵynyń pre­zıdenti Serkan Dinchtúrik: «Qurmetti oqyrmandar, Qazaq-túrik bilim jáne zertteý qaýymdastyǵynyń bastamasymen jaryq kórgen «Qazaq eli» atty jýrnalymyz qazaq jáne Túrki álemine paıdaly bolýy­na tilektespin... Bul basylym qaýymdastyǵymyzdyń is-sharalaryn, qoǵamdyq ómirde bolyp jatqan jańalyqtaryn qurmetti oqyrmandarǵa jet­kizip, aramyzdaǵy jetis­tik­terdi tanys­tyra otyryp, má­­denıetimizden de úzin­di­ler usynatyn bolady. Túrik ále­minde bolyp jatqan kún­delikti jańalyqtardy da zertteı otyryp, sizderge jet­kizedi», – dedi. Aıta keteıik, jýrnaldyń alǵashqy sanynda Eýrazııa Ult­tyq ýnıversıtetiniń jýr­nalıs­tıka máselelerin zertteý ıns­tıtýtynyń dırektory Na­­mazaly Omashevtyń «Qa­zaq eli», Qazaqstannyń Túr­kııa­daǵy elshisi Janseıit Túı­mebaevtyń Qazaqstan men Túr­kııanyń baı­lanystary týraly, Qazaq-túrik bilim jáne zertteý qaýym­dastyǵynyń qurmetti tóraǵasy Iаkýp Jannyń «Maq­satymyz Qazaq eline laıyqty jastar tárbıeleý», Eý­razııa túrik qaýymdastyǵy fe­dera­sııasynyń tóraǵasy Ismaıl Jengızdiń «Túrki ále­miniń jar­­qyn keleshegi», Hy­zyrbek Gaırettýlahtyń «Kósh», Quddýs Cholpannyń «Zýqa b­a­tyr» degen maqalalary ja­rııalanǵan. Erlik ERJANULY.