Taǵy 37 baıqaýshyny akkredıttedi

Ortalyq saılaý komıssııasy 2016 jylǵy 20 naýryzǵa taǵaıyndalǵan Qazaqstan Respýblıkasy Parlamenti Májilisiniń depýtattaryn saılaýǵa halyqaralyq uıymdar men shet memleketten taǵy 37 baıqaýshyny akkredıttedi. Ortalyq saılaý komıssııasynyń múshesi Marat Sársembaevtyń málimdeýinshe, 9 naýryzda Ortalyq saılaý komıssııasy «2016 jylǵy 20 naýryzǵa taǵaıyndalǵan Qazaqstan Respýblıkasy Parlamenti Májilisi depýtattarynyń kezekten tys saılaýyna jáne máslıhattary depýtattarynyń kezekti saılaýyna halyqaralyq uıymdar men shet memlekettiń baıqaýshylaryn akkredıtteý týraly» qaýly qabyldady. Osy qujatqa sáıkes Ortsaılaýkom Qazaqstan Respýblıkasy Syrtqy ister mınıstrliginiń usynýy boıynsha saılaýdy baıqaý jónindegi eki mıssııadan, bir halyqaralyq uıymnan jáne bir shet memleketten taǵy 37 baıqaýshyny akkredıttedi. «Olardyń ishinde: TMD-dan baıqaýshylar mıssııasynan 19 baıqaýshy, ShYU mıssııasynan 8 baıqaýshy, Túrkitildes elderdiń Parlamenttik Assambleıasynan 7 jáne Ýkraınadan 3 baıqaýshy bar, – dedi M.Sársembaev. – Osylaısha, 2016 jylǵy 9 naýryzdaǵy jaǵdaı boıynsha Ortsaılaýkom úsh halyqaralyq uıymnyń mıssııalarynan (EQYU/DIAQB, TMD jáne ShYU), eki halyqaralyq uıymnan (Islam yntymaqtastyǵy uıymy jáne Túrkitildes elderdiń Parlamenttik Assambleıasy) jáne on shet memleketten 345 baıqaýshyny akkredıttedi. Sondaı-aq, Qazaqstan Respýblıkasy Syrtqy ister mınıstrligi 2016 jylǵy 3 naýryzdaǵy jaǵdaı boıynsha 28 memleketten sheteldik buqaralyq aqparat quraldarynyń 116 ókilin akkredıttedi». Ortsaılaýkom shet memleketter men halyqaralyq uıymdardyń baıqaýshylaryn akkredıtteýdi 2016 jylǵy 14 naýryzǵa deıin júzege asyrady. Sonymen qatar, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 12 jáne 37-baptaryna sáıkes Ortalyq saılaý komıssııasy Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtattaryn saılaýǵa 451 saılaý bıýlleteni daıyndalatynyn belgiledi. Sondaı-aq, OSK Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtattaryn saılaý jónindegi saılaý bıýlleteniniń mátinin bekitti. Bıýlletender Astana qalasynyń saılaý komıssııasyna 2016 jylǵy 19 naýryzdan keshiktirmeı jetkizilýi tıis. Álısultan QULANBAI, «Egemen Qazaqstan».