ASTANA. 10 naýryz. Ulybrıtanııanyń Sky News telearnasy «Islam memleketi» lańkestik tobynyń myńdaǵan sodyry týraly derekter saqtalǵan qujattarǵa qol jetkizgenin málimdedi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Telearnanyń habarlaýynsha, lańkestik toptyń sodyrlary jóninde jeke málimetter jınaqtalǵan qujattardy uıymnyń burynǵy músheleriniń biri ákelip bergen. Onda 22 myń adamnyń aty-jónderi, mekenjaılar, telefon nómirleri, sondaı-aq, «Islam memleketi» lańkestik uıymy áskerıleriniń otbasy týraly on myńdaǵan qujat saqtalǵan. Terrorısterdiń arasynda 51 eldiń ókilderi bar. Olardyń árqaısysy uıymǵa múshe bolýlary úshin 23 suraqqa jaýap bere otyryp, ózderi týraly jeke málimetterdi jarııa etýge mindetti bolǵan.
Elaman Qońyr.
Derek: RIA «Novostı».
Sýret: news-front.info.