ASTANA. 10 naýryz. Sırııanyń Hama provınsııasynda úkimet áskeri arnaıy operasııa kezinde atyshýly «Djebhat an-Nýsra» lańkestik uıymyna múshe 70 sodyrdyń kózin joıdy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
SANA agenttiginiń habarlaýynsha, úkimet áskeri provınsııanyń birneshe eldi-mekenin basyp alǵan «Djebhat an-Nýsra» lańkestik uıymyna qarsy shabýyl jasaǵan. Operasııa kezinde áskerıler pýlemet qarýymen jabdyqtalǵan tórt mashına jáne bir quryshty avtomobıldiń tas talqanyn shyǵardy.
Aıta keteıik, osydan bir apta buryn Hama provınsııasynda aty atalǵan ekstremıstik top áskerı beketterge shabýyl jasaǵan. Toıtarys bergen úkimet áskeri 28 sodyrdyń kózin joıdy. Al eldiń soltústik-shyǵysynda «Irak pen Levant» lańkestik uıymynyń ekstremısteri elektr stansııasyn basyp alyp, tasjoldy jaýyp tastaǵan.
Sırııada Bashar Asad úkimeti men oppozısııalyq kúshterdiń arasynda beıbit kelisim ornady. Alaıda, bul kelisimniń kúshi aty atalǵan lańkestik topqa júrmeıdi.
Aıan Ábdýálı.
Derek: RIA «Novostı».
Sýret: news.mail.ru.