Narynqol – halqynyń rýhy myqty óńir

«Aq jol» demokratııalyq par­tııa­synyń basqarma múshesi Nurlan Ja­zyl­bekov jáne osy par­tııanyń Al­­maty oblysyndaǵy fılıa­ly­nyń bas­shysy Meırash Shynasylova bastaǵan arnaýly top saılaý al­dyn­daǵy úgit-nasıhat jumystaryn júrgizý úshin shalǵaıdaǵy Raıymbek aýdanyna bardy. Aýdan ortalyǵy Kegen aýylyndaǵy kezdesýde azamattardyń konstıtýsııalyq quqyǵy boıynsha daýys berýde óz tań­daýlaryn bildire alatyndyǵy táptish­teldi. Kásipkerler partııasy dep te tanylǵan aqjoldyqtardyń maqsa­ty kásipkerlikpen birge bilim berý, den­saýlyq saqtaý, áleýmettik jaǵdaıdy jaq­sar­tý syndy ómirlik máni zor máseleler ekenine de basa nazar aýdaryldy. Al osy ýaqytqa deıin «Aq jol» tarapynan ne istelindi degen saýalǵa N.Jazylbekov «Tur­ǵynúıqurylysjınaqbanki» bas­shylyǵy sybaı­lasqan jemqorlyqpen eldi aldap, áýre-sarsańǵa salǵandyǵyn bıik minber­den áshkerelep, zańnama talabyna saı jazalaýǵa sebepshi bolǵandyǵyn kólde­neń tartty. Sóıtip, júzdegen salym­shy­lardyń konstıtýsııalyq quqyqtary qor­ǵalyp, atalǵan bank basshylyǵy zańsyz ıelengen turǵyn úıler ıelerine qaıtarylǵan. Kólsaı kólderinde, Sharyn shat­qal­ynda, Baıynqol óńirinde týrızmdi damytý, eldi mekenderdi gazdandyrý má­se­lelerimen birge, bul óńirdiń ózekti prob­­le­masy – eshqandaı óndiris orny joq bol­­ǵandyqtan, bıýdjetke 5 paıyz kiris­­pen, 95 paıyz rotasııamen otyrǵan aý­­dan­da qandaı jaqsylyqtar bolatyn­dyǵy jaıly aýdandyq kiris bóliminiń bas ma­many Lashyn Sabyrbaeva aıtyp berdi. Jalpy, shalǵaıdaǵy aýyldarǵa ba­rý­dy jaqsy dástúrge aınaldyra bil­gen aqjoldyqtar el shekara­syn­daǵy Na­rynqol aýylynda da boldy. Qara­paıym halyq Májilis depýtattyǵynan úmitker Nurlan Jazylbekovtiń aıtqandaryn muqııat tyńdap, barlyǵynyń kókeıindegi basty másele – Narynqol tasada qala bere me degen saýalǵa baryp tireldi. Joq, Na­rynqol tasada qalmaıdy. Ob­lys ákimi turǵyndar aldynda esep ber­­­gen­inde: «Elbasy tapsyrmasyna sáıkes, Narynqolǵa tıisti deńgeıde kóńil bó­linetin bolady», – degen edi. Sol qýa­­nyshty habardy narynqoldyqtar kózaıym etip, aldymyzdan shyǵardy. Negizi­nen zeınetkerler ǵana qalǵan aýyl turǵyn­darynan zeınetaqynyń, aılyq jalaqy­nyń ýaq­tyly tólenip turatyn, turmaı­tyny, aýyl­da urlyq jasalmaıtyny, qan­daı ama­nat aıtatyndyǵy suraldy. Qalaı desek te, munda Elbasyna degen senimderi zor ha­lyq­tyń rýhy myqty ekeni kórinip turdy. Tabıǵat-ananyń teńdessiz syıy bul óńirde barshylyq, tek sony durys paı­dalana bilý kerektigi de atap aıtyldy. Sóıtip, aqjoldyqtar shekaralyq óńir halqymen jaqsy pikir almasyp, túsinisip qaıtty. Nurbol ÁLDIBAEV, «Egemen Qazaqstan».