Halyq densaýlyǵy – el bolashaǵy

Keshe «Aýyl» halyqtyq-demokratııalyq patrıottyq partııasy respýblıkalyq qoǵamdyq shtabynyń ortalyq keńsesinde «Densaýlyq joly» taqyrybynda halyqty salamatty ómir saltyna baýlý isine arnalǵan ǵylymı-tájirıbelik konferensııa ótti. Ǵalymdar, salamatty ómir saltyn qa­lyp­tastyrý baǵytynda qyzmet kórse­tetin ortalyqtardyń ókilderi, den­saýlyq saqtaý salasy mekemeleriniń mamandary, sarapshylar jáne partııa músheleri qatysqan konferensııany «Aýyl» HDPP tóraǵasynyń birinshi orynbasary, Parlament Májilisiniń depýtattyǵynan úmitker, medısına ǵy­lymdarynyń doktory Tolymbek Ǵab­diláshimov ashyp, kirispe sóz sóıledi. – Búgingi jıynymyz qoǵamymyzda salamatty ómir saltyn qalyptastyrý má­se­lesine arnalyp otyr. Basqo­sýǵa jınalǵandardyń kópshiligi medı­sına salasynyń bilikti, tájirıbeli mamandary. Sondyqtan, osy konferensııada taqyrypqa qatysty tushymdy oılar, usynystar aıtylady dep kútemiz. Jalpy, qazaqta «Aýyryp em izdegen­she, aýyrmaıtyn jol izde» degen sóz bar. Aýyrǵymyz kelmeıdi, biraq den­saý­lyqty saqtaýǵa jóndi mán bere qoımaı­myz. Az qozǵalý, durys tamaqtan­baı, jaǵymsyz ádetterge boı aldyrý biz­diń densaýlyǵymyzdy birtindep tómen­detip jatqany jasyryn emes. Ásirese, aýyldaǵy aǵaıynnyń aýrýyn as­­qyn­dyryp alyp, qalaǵa sabylatyny búgin­gi kúnniń shyndyǵy, – dedi T.Ǵab­di­láshi­mov. Onyń aıtýynsha, qazirgi tańda halyq­tyń densaýlyǵy memlekettiń basty na­zarynda tur. Budan keıin spıker «Aýyl» partııa­synyń saılaýaldy baǵdarlamasynyń ba­sym baǵyttarymen tanystyra kelip, den­saýlyq saqtaý salasyndaǵy memleket­tik saıasat naqty maqsattar men ındı­ka­tor­larǵa ıe bolýy tıis ekenine ekpin berdi. Sondaı-aq, ol Dúnıejúzilik densaýlyq saqtaý uıymynyń málimetterine súıene otyryp, adam densaýlyǵynyń tek 10 paıyzy medısına júıesine baılanys­ty ekenin, 50 paıyzy adamnyń ómir súrý saltyna sáıkes qalyptasatynyn jetkizdi. Jıynda L.N.Gýmılev atyndaǵy EUÝ professory, ekolog Murat Nuryshev, Salamatty ómir saltyn qalyptastyrý ulttyq ortalyǵy bas dı­rektorynyń keńesshisi Klara Medeý­baeva, dáriger-endokrınolog Janar Anar­baeva, Astana qalasyndaǵy №7 emhana bas dárigeriniń orynbasary Baqyt Ydyrysova, Qaraǵandy oblysy Nura aýdandyq ortalyq aýrýhanasynyń dırektory Baqtygúl Muqysheva jáne Astanadaǵy «Dárigerlik-áleýmettik ońal­­tý ortalyǵy» memlekettik mekeme­si­niń narkology Toqtar Qoıshybekov baıan­dama jasap, kópshilikti tolǵandyryp júr­gen birqatar ózekti máselelerdi sóz etti. Joldybaı BAZAR, «Egemen Qazaqstan». ASTANA.