Olardyń 90 paıyzyn qytaılyqtar quraıdy
Jaqynda 2015 qarjy jylynyń qorytyndysy boıynsha 100 mıllıarderi bar Beıjińdi «álem mıllıarderleriniń jańa astanasy» dep tanyǵan Hurun Global Rich reıtıngilik júıesi qazirgi tańda planetada 2 188 asa baı adamdardyń turatynyn da atap kórsetti. Jyl ishinde jalpy mıllıarderler sany 99 adamǵa artsa, solardyń 90-ny qurlyqtaǵy Qytaıda, Gonkongta jáne Makaoda turatyn bolyp shyqty. Osylaısha, sońǵy kezde attary tanylǵan «sý jańa» baılardyń 90 paıyzyn Aspanasty eliniń ókilderi alyp otyr.
Sońǵy sanaq boıynsha, osy kúnderi Beıjińde týra 100 mıllıarder turyp jatsa, Nıý-Iork 95 baı-shonjarymen ekinshi satyǵa túsip qalǵan.
Osynyń negizinde jer-jahandaǵy mıllıarder qytaılyqtardyń qatary da aıtarlyqtaı kóbeıe túsken. Munyń jalpy mıllıarderler sapyna ákelgen ózgeristeri de az emes. Atap aıtqanda, joǵarydaǵy mólsherdiń 568-i qytaılyqtar bolyp shyǵa kelgen. Sóıtip, hanzý eli munda da birinshi satyǵa qadam basqan. Onyń ekpinimen ekinshi orynǵa yǵysyp ketken AQSh-ta bulardyń sanaty 535 adamǵa shaqtalǵan.
Sol sııaqty álemdegi eń baı 100 adamnyń qatarynda qazir Qytaıdyń 9 ókili bar ekeni belgili boldy. Sonyń ishinde bul dáýlettegi eń baı sanalatyn Van Szıanlın Amerıkanyń ataqty bıznesmeni, Microsoft-tyń basshysy Bıll Geıts bastaıtyn topta 27-shi orynda tur.
Damır QOJAMQUL.