Donor ájeı

Uly Otan soǵysy kezinde jaraly jaýyngerlerge dep 100 lıtr qan tapsyrǵan Lıdııa Klımenko О́skemende turady. Shyǵys óńirinde «Úlkenge – qurmet, kishige – izet» degen qazaqy qalyp, ıgi dástúr jaq­sy saqtalǵan. Bıyl 8 naýryz merekesi qarsańynda keshegi qa­sap maıdanda qanymen de, janymen de el men jerdi qorǵaýǵa úles qosqan qaısar áıelder de nazardan tys qalǵan joq. О́skemen qalasynyń turǵyny Lıdııa Klı­­menko qatary sırep qalǵan sondaı sanaýly qarııalardyń biri. Uly Otan soǵysynyń ar­dageri, 1-shi Ýkraın maı­danyn­daǵy evakýasııalyq gospıtalde operasııa jáne gıps tehnıkasy boıynsha aǵa medbıke bolyp qyzmet etken Lıdııa Pav­lovnany О́skemen qalasynyń ákimi Temirbek Qasymjanov merekemen quttyqtady. Batyr áje soǵys jyldarynda gospıtalge jetkizilgen jaraly jaýyngerler men turǵyndardy ajaldan arashalap qalý úshin 100 lıtrden astam qan tapsyrǵan eken. – Siz maıdanda qarý ustaǵan jaýyngerlerden kem erlik kór­set­ken joqsyz. Jaralylarǵa kó­mektesip, olardy emdedińiz. Donor retinde 100 lıtrden as­tam qan tapsyrǵanyńyzdy bile­miz. Osylaısha, Jeńis jolynda ja­raly bolǵan kóptegen otan­das­tarymyzdyń ómirin saqtap qalýǵa ólsheýsiz úles qostyńyz. Sizdiń ómirińiz jastarymyzdy erlikke, otanshyldyqqa baýlıdy, – dedi qala basshysy zeınetkermen áńgime barysynda. Aıta ketelik, Lıdııa ájeı so­ǵystaǵy erlikteri úshin «II dá­rejeli Otan soǵysy» ordenimen, «Marshal Jýkov» medalimen, kóptegen mereıtoılyq medaldarmen jáne «KSRO-nyń qurmetti donory» ataǵymen marapattalǵan. Dýman ANASh, «Egemen Qazaqstan». О́SKEMEN.