«Jumyspen qamtýdyń jol kartasy-2020» memlekettik baǵdarlamasynyń turǵyndar úshin áleýmettik máni zor. О́ıtkeni, atalǵan baǵdarlama jumyssyzdarǵa jumys berýge, eńbek naryǵyndaǵy suranysty qamtamasyz etýge, mamandardy qaıta daıarlaýǵa keńinen jol ashyp otyr. Ár jyly atalǵan qujatta belgilengen mindetterdi oryndaý úshin arnaıy jumys jospary qurylady. Jańa jáne bosaıtyn jumys oryndaryna boljam jasalady. Sonyń arqasynda jurtshylyqty jumyspen qamtýǵa múmkindik týady.
Oblys ákimi Kárim Kókirekbaevtyń jyl qorytyndysy boıynsha ázirlegen oblystyń 2015 jylǵy áleýmettik-ekonomıkalyq damýynyń negizgi kórsetkishterinde óńir boıynsha jumyssyzdar sany 1255 adamǵa qysqarǵany kórsetilgen. Sonyń arqasynda jumyssyzdyq deńgeıi 4,9 paıyzdy qurap otyr.
Byltyr aýdanda «Eńbek naryǵy» jáne «Jumyspen qamtýdyń jol kartasy-2020» aqparattyq júıeler bazasynyń birigýine baılanysty 1577 adamdy jumyspen qamtý týraly keshendi jospar sáýir aıynda bekitildi. Degenmen, biz oǵan deıin qol qýsyryp qarap otyrmadyq. Jumyssyzdyqpen kúres sharalaryna qyzý kirisip, jyl ishinde 1680 adamdy jumysqa ornalastyryp, tapsyrmany 106,5 paıyzǵa oryndadyq.
«Infraqurylymdy jáne turǵyn úı-kommýnaldyq sharýashylyqty damytý esebinen jumyspen qamtýdy qamtamasyz etý» baǵyty boıynsha 10 nysanǵa 65,3 mıllıon teńgege 28 jumys ornynyń teń jartysyna «Jumyspen qamtýdyń jol kartasy-2020» baǵdarlamasy aıasynda 14 adamdy jumysqa ornalastyrý kózdelgen bolatyn. Aýdan turǵyndary 14 jumys ornyna qurylys jumystaryna tartyldy. Barlyq 10 nysannyń jóndeý jumystary aıaqtalǵan.
Únemdelgen qarajat esebinen qosymsha 2 jobaǵa 17,3 mıllıon teńge bólinip, qosymsha 4 adam jumysqa jiberildi. 10 paıyzdyq zeınetaqy jarnalary áleýmettik tólemderi ýaqtyly aýdaryldy. Negizi jol kartasynyń birinshi baǵyty boıynsha 18 adam jumyspen qamtylýy tıis edi. Biz bul jospardy tolyq oryndadyq.
Baǵdarlamanyń ekinshi baǵyty – «Kásipkerlik bastamany yntalandyrý jáne tirek aýyldardy keshendi damytý». Josparǵa sáıkes 39 azamattyń kásipkerlik bastamasy yntalandyrylýy kerek. Al aýdanda búgingi kúni 46 adamnyń ótinishi qanaǵattandyrylyp, olar jalpy somasy 107 mıllıon 7 myń teńge nesıe aldy. Sonyń ishinde aldyńǵy nesıelerdiń qaıtarymy esebinen 8 turǵyn 14,1 mıllıon teńge nesıege qol jetkizip otyr. Nesıe alyp, óz isin damytýshy 46 kásipker 71 jańa jumys oryndaryn ashty.
Baǵdarlamada jumys berýshiniń qajettiligi sheńberinde oqytý jáne qonys aýdarý arqyly jumysqa ornalasýǵa járdemdesý joldary da qarastyrylǵan. О́ńirlerdi damytý baǵdarlamasy boıynsha aqyly qoǵamdyq jumys oryndaryna jospardaǵy 243 adamnyń ornyna 249 turǵyn tartyldy. Áleýmettik jumys oryndaryna 80 jumyssyz joldanýy kerek bolsa, 93 adam qamtyldy. «Jastar tájirıbesinen» 123 jas maman ótýi tıis edi. Al aýdan boıynsha 131 jasqa osyndaı múmkindik berildi. 1143 azamat turaqty jumysqa ornalasty. Onyń ishinde 98 jumyssyz jańa jumys oryndaryna joldama aldy.
О́ńirlerdi damytý salalyq baǵdarlamasy sheńberinde, naqty aıtqanda, «Nurly Jol» baǵdarlamasynyń aıasynda 22 adam Túımekent orta mektebiniń jóndeý jumystaryna, 3 turǵyn Kóktal orta mektebiniń qazandyǵyn jáne Mádimar balabaqshasynyń jóndeý jumystaryna, 7 adam týberkýlez aýrýhanasy qurylysyna jumysqa jiberildi. Bıyl aýdanda údemeli ındýstrııalyq-ınnovasııalyq damytý baǵdarlamasy boıynsha «Áýlıe ata Fenıks» JShS qus fabrıkasynda taǵy da kóptegen jumys oryndary ashylady dep kútilýde.
Arǵynbaı Ysqaq,
Baızaq aýdany ákimdigi
halyqty jumyspen qamtý ortalyǵynyń dırektory.
Jambyl oblysy,
Baızaq aýdany.