Alty kólikte – bir nómir

Shymkentte osyndaı oqıǵa oryn aldy Sońǵy kezderi elimizde avtokólikti beı-bereket júrgizip, adam qaqsa, oqıǵa ornynan izin sýytyp ketetin, endi birde tal túste ózderin tasjoldyń bir qojaıyndary sanap, astyna mingen temir tulparyn ersili-qarsyly júrgizip erekshelengisi keletin adamdarǵa qatysty qylmystyq ne ákimshilik isterdiń qozǵalyp jatqanyn kórip júrmiz. Jaqynda Shymkentte sondaı oqıǵalardyń biri oryn aldy. Buǵan biz de, jol tártibiniń saqshylary da tańǵalǵan joqpyz. Al oqıǵanyń ózi bylaı bolǵan. Tepse temir úzetin bir top jas bir kúnde alty birdeı «Lada Priora» avtokóligine «031» degen memlekettik nómirdi taǵyp, jolǵa serýendeýge shyǵady. Muny jol saqshylary jastardyń YouToube saıtyna ornalastyrǵan beınetaspasy arqyly anyqtaǵan. Osydan keıin olardy polısııa qyzmetkerleri ýchaskege shaqyryp, oqıǵanyń anyq-anyǵyn tekseredi. Ýchaskede Nurdáýlet esimdi jigit jol erejesin buzbaǵanyn, tek dos­tarymen kólikti birdeı nómir taǵyp júrgizgisi kelgenin aıtsa, po­lı­sııa qyzmetkerleri «Lada Priora» avtoıelerin toqtatýǵa bar­lyq ne­gizderiniń bolǵanyn jet­kizdi. – Kólikterdiń barlyǵy bólimge ákelindi. Olar jol erejesiniń 190-babynyń 2-tar­maǵyn buzǵan. О́ıtkeni, kólikterin qaıta jab­dyq­taǵan. Eger júr­gizýshiler kó­shede adam soqsa, ony qatty jara­qat­taıtyn edi. Son­dyqtan biz kólik­terdiń bárine aıyppul salýǵa sh­e­shim qabyl­dadyq,– dedi jol polı­sııa­synyń vzvod komandıri. Polıseılerdiń aıtýynsha, endi qaladaǵy basqa da kólikterge tekserý qatań túrde júrgiziledi. Al alty birdeı Reseıdiń kóligin júrgizip, elden erekshelenip, maq­tanǵysy kelgen bir top jasqa aıyppul tólep qana qoımaı, temir tulparlaryn qaıta bastan-aıaq jabdyqtaýǵa týra keledi. Rústem JUMAN.