Túrikter jedel járdem stansasyn salady

Daǵdarys jaǵdaıynda da damýdy qamtamasyz etý úshin qarjy kózderin tabý, syrttan ınvestısııa tartý qajettigi belgili. Jergilikti bıliktiń bul baǵyttaǵy ilkimdi qımyly, irgeli izdenisi nátıjeli bola bastady. Sonyń naqty mysaly retinde túriktiń «Hemogens Health Care» kompanııasy Aqtóbede ortalyq medısınalyq jedel jár­dem stansasyn salýǵa múddeli­lik tanytyp otyrǵanyn aıtý lázim.  Bul týraly oblys ákimi Berdibek Sapar­baev­tyń kompanııanyń bas dırektory Nad­jıe Arpadjymen kezdesýi bary­synda belgili boldy. Kezdesýde óńir basshysy sońǵy bes jyl ishinde aı­maq­ta halyqaralyq standarttarǵa jaýap beretin 52 densaýlyq saqtaý ny­sany sa­lyn­ǵandyǵyn, 52 mekeme ǵımaratyna kúrdeli jóndeý júrgizilgendigin jetkizdi. Medısınalyq mekemelerdiń materıaldyq-tehnıkalyq bazalaryn jaqsartý jolynda jumystar júrgizilýde. Sonymen birge, densaýlyq saqtaý salasynda sheshýdi qa­jet etetin problemalar da bar ekenin ja­s­yr­­­mady. Sondaı ózekti máselelerdiń biri – medısına­lyq jedel járdem qyz­meti­niń tıptik ǵımarattyń bolmaýy, avto­kólik­ter men jabdyqtardyń shegine jete tozýy, dıspetcherlik qyzmettiń qazirgi standarttarǵa saı kelmeýi ekenin málim etti. Osyǵan baılanysty biz oblystyq jedel járdem stansasyn aýtsorsıngke berý tý­ra­­ly sheshim qabyldadyq. Bul rette bizge tú­­rik áriptesterimiz kómekke kelmek, dedi Ber­di­­bek Máshbekuly sóz arasynda. Qazirgi ýa­­qytta sanıtarlyq kólik parkiniń tozýy 55 pa­­ıyzdy qurasa, bul kórsetkish boıynsha me­­dı­­sınalyq jabdyqtardyń da jaǵdaıy máz emes. Jedel járdem brıgadalaryna júkteme óte jo­ǵary, ótken jyly ǵana ol 29 paıyzǵa kóterildi. Shaqyrýlar sany kóbeıe tústi, osy­­ǵan baılanysty keshigip barý jaǵdaılary oryn alýda. «Hemogens Health Care» kompanııasynyń bas dırektory Nadjıe Arpadjy Túrkııa men Birikken Arab Ámirlikterinde ózderiniń osyndaı jobalardy júzege asyrýda biraz tájirıbe jınaqtaǵanyn aıta kelip, Aqtóbe óńiriniń densaýlyq saqtaý sala­syna 5,5 mıllıard teńge ınvestısııa jasa­latyn­dyǵyn jetkizdi. Bıylǵy jyly 3,5 mıllıard teńge ortalyq medısınalyq jedel járdem stansasyn salýǵa jáne ony jaraqtandyrýǵa, sondaı-aq, 35 sanıtarlyq avtokólik satyp alýǵa jumsalmaqshy. Sonymen birge, jańa E-formatynda medısınalyq jedel járdem kórsetý boıynsha biryńǵaı qalalyq aqparattyq-taldamaly dıspetcherlik ortalyq qurylady. Osy bir mezgilde dáriger qyzmetkerlerin oqytý, dári-dármekter óndirisi boıynsha da jobalar júzege asyrylatyn bolady. Kompanııa 2020 jyly 2 mıllıard teńgeni reanımobıldik jáne medısınalyq jabdyqtardy jańartýǵa bólýdi kózdeýde. Satybaldy SÁÝIRBAI, «Egemen Qazaqstan». Aqtóbe oblysy.