Halyqaralyq áıelder merekesi kúnine oraılastyryp «Táýelsizdik» jáne «Altyn Ǵasyr» saýda úıi alańdarynda kóktemgi jármeńke ótkizildi. Sharaǵa Aqkól, Atbasar, Bulandy, Shortandy aýdandarynyń aýyl sharýashylyǵy taýar óndirýshileri men Kókshetaý qalasynyń kásiporyndary qatysty. Sondaı-aq, Arshaly aýdanyndaǵy «Ijevskıı» óndiristik kásiporny, Býrabaı aýdanyndaǵy «Bereke Agro» jáne Selınograd aýdanyndaǵy «Capital Project Ltd» JShS arnaıy shaqyryldy.
Jármeńke alańdarynda 160 saýda núktesi, 22 avtokólik 48 túrli 356,1 tonna ónimdi saýdaǵa shyǵardy. Bulardyń jalpy quny 118,6 mıllıon teńgeni quraıdy. Munyń ishinde 76,8 tonna et pen 18,2 sút ónimderi, 64 tonna un, 35,5 tonna kartop, 45,2 tonna kókónis, 15,5 tonna jarma, 13,5 myń lıtr ósimdik maıy bar.
Jármeńke ádettegideı kórkemónerpazdar konsertimen, teatrlandyrylǵan kórinistermen jáne ystyq shaı men baýyrsaqtarymen kóńil ósirdi.
Baqbergen AMALBEK,
«Egemen Qazaqstan».
Aqmola oblysy.
Sýretti túsirgen
Ermurat DOSYMOV.