Búginde tórtkil dúnıedegi qoǵam jáne saıası qaıratkerler talqylaýynan ótip, jalpy jámıǵattyń qyzyǵýshylyǵyn týdyrǵan Elbasynyń «Álem. XXI ǵasyr» manıfesi boıynsha Jetisý jerinde bizben Almaty oblysy, Qaratal aýdandyq máslıhatynyń hatshysy Baqyt SMAIYLOV habarlasqan edi. О́zindik pikirin Elbasy oıymen sabaqtastyryp ári óńirde el múddesi úshin ter tógip, memlekettik saıasatqa saı áreket etip júrgen ókilmen shaǵyn áńgimemiz bylaı órbidi.
– Baqyt Jeksembekuly, jalpy túsinikti bolǵanymen, tarata aıtyp, saralap, saraptaýdy qajet etetin jahandyq yntymaqtastyq degen uǵym týraly ne aıtar edińiz?
– Qazaqstan Respýblıkasynyń Prezıdenti Nursultan Nazarbaevtyń Vashıngtonda álemniń 51 eliniń prezıdentteri men premer-mınıstrleri jáne halyqaralyq bedeldi uıymdar basshylary aldynda sóılegen sózi irilikti tanytyp qana qoımaı, úlken oı tastady. Elaralyq yntymaqtyń álemdik deńgeıdegi uıytqysy kerektigin ańǵartty. Bul jerde aıtaıyn degenim, 130-dan astam etnos ókili turatyn Qazaqstanda sol tatýlyq, yntymaq, dostyq berik ornyǵyp, ony úlgi tutýǵa bolatyndyǵy edi.
Eger ulttar birligi dál bizdiń elimizdegideı ózge memleketterde de ornasa, adamzattyń bir armany – yntymaq jer betinde bekı túseri anyq. Sol beıqut ómirdiń tiregi beıbitshilik degen sózdi saralap kórseńiz, birinshi kezekte kóz aldyńyzǵa ózińizdiń óńirińizdegi ahýal kelmeı me?! Qudaıǵa shúkir, Jetisý jerinde 103 etnos ókili tatý-tátti ómir súrýde. Osyǵan súıene yntymaqtastyq máselesin Elbasy bıik minbeden ashyq aıtyp, saıasatkerlerdi moıyndata bildi dep sanaımyn.
Al yntymaqtyń uıytqysy otbasy bolyp tabylady. Bul ulaǵatty atam qazaq «Yrys aldy – yntymaq» degen bir aýyz sózine syıdyra alǵan. Demek, beıbitshilikti ańsap, yntymaqtastyqqa umtylyp otyrǵan álem halyqtaryna úlgi bola alamyz. Bir este saqtaıtyn jaıt, tórtkúl dúnıede beıbitshilikti ornatý qansha áleýetti bolsa da bir memlekettiń ǵana qolynan keletin is emestigin aıtýly forýmda Amerıka Qurama Shtattarynyń prezıdenti Barak Obama da aıtyp ótti ǵoı.
– Endigi áńgimeni jappaı qyryp-joıatyn qarýdan arylý máselesine oıystyrsaq.
– Keńestik dáýirde alapat kúshimen álemdi túrshiktirip turǵan Semeı ıadrolyq polıgonynyń Elbasynyń bastamasymen, Qazaqstan halqynyń qoldaýymen jabylǵanyn beıbitshilikke umtylǵan elder jaı ǵana aıtýmen shektelmeı, ózge memleketterge úlgi tutýda ǵoı. Sózi men isi qabysqan elimizdiń aýmaǵynda barlyq ıadrolyq qarý joıylǵany taǵy aqıqat. Bul qadam Qazaq eliniń osy saladaǵy onsyz da joǵary bedelin Iаdrolyq qaýipsizdik jónindegi sammıtte odan beter kóterdi.
Bizdiń elimiz qashanda ıadrolyq qarýdy taratpaýdy ustanǵan memleketterdiń kósh basynda turatyny anyq.
Áńgimelesken
Nurbol ÁLDIBAEV,
«Egemen Qazaqstan»
Almaty oblysy