ASTANA. 16 sáýir. Ýrýgvaıdyń ońtústik-batys aımaǵyndaǵy Dolores qalasynda bolǵan joıqyn daýyldyń saldarynan 4 adam mert boldy. Bul týraly TASS aqparat agenttigine silteme jasaǵan egemen.kz tilshisi habarlady.
Memleket prezıdenti Tabare Vaskes atalǵan qalada tótenshe jaǵdaı rejimi qabyldanǵanyn málimdedi. Tabıǵat apatynan ondaǵan ǵımarat qırap, baılanys jelileri úzildi. «Paıs» basylymynyń habarlaýynsha, polısııa qyzmetkerleri apat jaǵdaıynda urlyq jasap júrgen birneshe adamdy qolǵa túsirdi.
Qazirgi kezde oqıǵa ornynda órt sóndirýshiler men qutqarýshylar toby qyzmet etýde. Ýrýgvaıdyń qorǵanys mınıstrligi Dolores qalasyna qosymsha tehnıkalar men mamandardy jiberdi.
Aıan Ábdýálı.
Derek: TASS.
Foto: ntv.ru.