ASTANA. 17 sáýir. Perýdiń ortalyǵyndaǵy Pasko aımaǵynda jolaýshylar mingen avtobýs quzǵa qulap ketti. Bul týraly TASS aqparat agenttigine silteme jasaǵan egemen.kz tilshisi habarlady.
Apat saldarynan 24 adam mert boldy. Sondaı-aq, 29 jolaýshy túrli deńgeıde jaraqat aldy. Qazir olar aýrýhanalarǵa jetkizildi. Naýqastardyń jaǵdaıy týraly áli eshnárse belgisiz. Kóz jumǵandardyń sany áli de artýy múmkin.
Avtobýs memleket astanasy Lıma qalasynan Serro-de-Pasko qalasyna baǵyt alǵan. Aldyn ala boljam boıynsha, polısııa qyzmetkerleri júrgizýshini kináli dep otyr. Rýlde otyrǵan onyń nazary basqa jaqqa aýyp ketken. Oqıǵa ornynda tergeý amaldary júrip jatyr.
Aıan Ábdýálı.
Derek: TASS.
Foto: 24.kz.