ASTANA. 17 sáýir. Efıopııanyń Sýdan elimen shekaralas aımaǵyndaǵy Gambela provınsııasynda lańkesterdiń shabýylynan 140-tan astam beıbit turǵyn qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Efıopııanyń baılanys mınıstri Getachý Radanyń aıtýynsha, Ońtústik Sýdan elinen kelgen qarýly top beıbit turǵyndarǵa beı-bereket oq jaýdyrǵan. Mert bolǵandardyń arasynda áıelder men balalar da bar. Al úkimet áskeri 60 ekstremıstiń kózin joıdy.
Aıan Ábdýálı.
Derek: RIA «Novostı».
Foto: kp.ua.