ASTANA. 17 sáýir. Aýǵanstanda qaqtyǵys kezinde 50-ge jýyq sodyrdyń kózi joıyldy. Bul týraly 24.kz-ke silteme jasaǵan egemen.kz tilshisi habarlady.
Málimetter boıynsha, «Talıban» sodyrlary Kýndýz qalasyna basyp kirmek bolǵan. Alaıda, úkimet áskeri toıtarys berdi. Qaqtyǵys kezinde taǵy 53 adamnyń túrli deńgeıde jaraqat alǵany belgili boldy.
Aıta keteıik, atalǵan qalany ótken jyly lańkester basyp alǵan. Degenmen arnaıy qurylǵan jasaq qarsy shabýyldap, óz baqylaýyna qaıtaryp aldy. Jalpy, osyǵan deıin birneshe eldi mekenderge shabýyldap, beıbit turǵyndarǵa beı-bereket oq jaýdyrǵan «Talıban» músheleri qastyq áreketterin memlekettiń iri qalalaryna da jasaýdy josparlaýda.
Aıan Ábdýálı.
Derek, foto: 24.kz.