QARAǴANDY. 17 sáýir. Qaraǵandy qalasynda Uly Otan soǵysynyń ardagerleriniń árqaısysy jeńis merekesi qarsańynda 150 myń teńgeden járdemaqy alady. Bul týraly nv.kz-ke silteme jasaǵan egemen.kz tilshisi habarlady.
Jeńis merekesi qarsańynda Uly Otan soǵysynyń ardagerleri 150 myń teńgeden járdemaqy alsa, arnaıy jeńildigi bar basqa sanattaǵy qarııalarǵa 10 myń teńgeden beriledi. Bir rettik bul járdemaqyǵa dep qala bıýdjetinen 93 mıllıon 450 myń teńge qarastyrylǵan. Aqsha járdemaqy alýshylardyń atyna arnaıy ashylǵan esepshottarǵa aýdarylady.
Qaraǵandyda 15 sáýir men 9 mamyr aralyǵynda Uly Otan soǵysynyń ardagerleri men múgedekterine jáne tyl eńbekkerlerine arnalǵan 35 qaıyrymdylyq aksııasy ótedi dep josparlaǵan. Bul sharalarǵa 1125 adam qatysady.
Qaırat Ábildınov.
Derek, foto: nv.kz.