ASTANA. 18 sáýir. Qytaıdyń Sychýan provınsııasynda jaqsy saqtalǵan adam qańqalary tabyldy. Bul týraly 24.kz-ke silteme jasaǵan egemen.kz habarlady.
Sarapshylardyń aıtýynsha, tabylǵan adam súıekteri shamamen 4,5 myń jyl buryn jerlengen. Sonymen qatar, eski qorymdar tarıhqa deıingi qala bolǵan Sıan Chjao aýylynda ornalasqan. Arheologtar qańqalardyń jaqsy saqtalýy olardyń sý deńgeıiniń astynda jatyp, aýaǵa shyqpaǵandyǵynda deıdi.
Bul múrdeler neolıt dáýirindegi adamdardyń densaýlyq jáne tamaqtaný erekshelikteri, sondaı-aq, aýyz qýysynyń aýrýlary men emdáminiń quramyn zertteýge kómektespek.
Aıta keteıik, buǵan qosa zırattardan tas jáne qyshtan jasalǵan buıymdar, pil súıeginen jasalǵan 2 bilezik sııaqty qundy mádenı jádigerler tabyldy.
Talǵat Raıymbek.
Derek, foto: 24.kz.